काठमाडौंमा ५० भन्दा बढी कोरोना संक्रमित थपिए

नेपालमा आज कोरोनाका तीन सय नयाँ संक्रमित थपिएका छन् । आज काठमाडौं उपत्यकामा मात्र ५४ जना संक्रमित थपिएका छन् । उपत्यकामा भेटिएको यो अहिलेसम्मकै उच्च संक्रमण हो ।

काठमाडौंमा ४८, ललितपुरमा पाँच र भक्तपुरमा एक जना संक्रमित भेटिएका छन् ।

काठमाडौंमा भेटिएकामध्ये प्रहरी प्रधान कार्यालयमा मात्र २३ जना संक्रमित भएका हुन् । यसअघि प्रहरी प्रधान कार्यालयमा चार जना संक्रमित भेटिएका थिए । उनीहरुको कन्ट्याक्ट ट्रेसिङ गर्दा थप २३ जनामा संक्रमण पुष्टि भएको हो ।

योसँगै नेपालमा कोरोना संक्रमितको संख्या १९ हजार ६३ पुगेको हो ।

कोरोना भाइरसबाट आज एक जनाको मृत्यु भएको छ । बझाङको बुङ्गल नगरपालिकाका एक पुरुषको मृत्यु पछि कोरोना पुष्टि भएको हो । १४ दिनको क्वारेन्टिन बसाइपछि घर गएका उनको साउन ६ गते मृत्यु भएको थियो । उनको पीसीआर रिपोर्ट हिजो बेलुकी आएको थियो । योसँगै कोरोनाका कारण नेपालमा मृत्यु हुनेको संख्या ४९ पुगेको छ ।

Related posts

चितवनका मुख्य बजार क्षेत्रमा ट्राफिक लाइट राखिने

Nepnews

कश्मीरको विषयमा भारतसँग वार्ता गर्नु बेकारः पाकिस्तानी प्रधानमन्त्री खान

Nepnews

इंग्ल्याण्डको एसेक्सको औद्योगिक पार्कमा ३९ शव फेला

Nepnews

नारायणीको भेल बस्तीमा पस्यो, दर्जनौं घर जोखिममा

Nepnews

आज २९८औं पृथ्वी जयन्ती, विभिन्न कार्यक्रम गरी मनाइँदै

Nepnews

कन्हैया कुमारविरुद्ध देशद्रोहीको मुद्धा

Nepnews