बोत्सवानामा सयौं हात्तीको रहस्यमय मृत्यु

 अफ्रिकाको सबैभन्दा धेरै हात्ती पाइने देश बोत्सवानामा हात्तीहरु रहस्यमय तरिकाले मर्न थालेका छन् ।
पछिल्लो दुई महिनामा त्यहाँ ३५० भन्दा बढी हात्ती मरेको बीबीसीले जनाएको छ । गत मे महिना यता ओकावाङ्गो डेल्टा क्षेत्रमा कम्तिमा ३५० हात्तीको रहस्यरुपले मरेको डाक्टर नायाल म्याक्यानले बताएका छन् । डाक्टर म्याक्यान बेलायतस्थित नेशनलपार्क उद्धार सहयोगी संस्थाका प्रतिनिधि हुन् ।
यसबारे स्थानीय संरक्षणकर्मीले गत मे को सुरुमा सरकारलाई जानकारी गराएको डा. नायालले बिबिसीसँग बताएका छन् । लगत्तै डेल्टा क्षेत्रमा हवाई उडान गर्दा तीन घण्टामै १६९ मृत हात्ती फेला परेका थिए । त्यसको एक महिनापछि थप मरेका हात्ती भेटिएका थिए ।
गएको मे मा बोत्सवाना सरकारले हात्ती मर्नुको कारण चोरी शिकार वा तस्करी नरहेको बताएको थियो । मरेका हात्तीका दाह्रा ननिकालिएका कारण यो घटनाको सम्बन्ध तस्करीसँग नरहेको बोत्सवाना सरकारको भनाइ थियो ।
हात्ती मात्रै मरेका छन्, अरु कुनै जनावर नमरेको डा. नायालको भनाइ छ । उनले यो पटकको घटना विषादीका कारण भएको भन्ने कुरामा त्यति विश्वस्त हुन सक्ने अवस्था नरहेको बताएका छन् ।
गएको वर्ष बोत्सवानामा विषादी प्रयोग गरेर कम्तिमा एक सय हात्ती मारिएका थिए । मरेका हात्तीबाट लिइएको नमूना परीषणको रिपोर्ट आउन अझै केही हप्ता लाग्ने बोत्सवाना सरकारले बनाएको छ । अफ्रिका हात्तीका लागि उपयुक्त बसोबास भएको क्षेत्र हो । अफ्रिकी हात्तीको एक तिहाई संख्या बोत्सवानामा रहेको छ ।

Related posts

दशैंको सातौं दिन, घरघरमा फुलपाती भित्राइँदै

Nepnews

मानव बेचबिखनमा संलग्न गौतमलाई पक्राउ

Nepnews

वर्षा र हिमपातको सम्भावना

Nepnews

पनौतीमा कर्फ्यू हट्यो

Nepnews

जर्ज फ्लोइड हत्या प्रकरणः अमेरिकाका विभिन्न सहरमा निषेधाज्ञा

Nepnews

प्रधानमन्त्री ओलीको मिर्गौला प्रत्यारोपण सफल

Nepnews