नेपालका दिवेश पोखरेल अमेरिकन आइडलमा उपविजेता बने, जस्ट सामले जितिन् उपाधि

नेपालका दिवेश पोखरेल अमेरिकन आइडलको उपविजेता बनेका छन् ।

अर्थर गनका नामले समेत परिचित पोखरेल अमेरिकी गायन रियालिटी शो अमेरिकन आइडलको उपविजेता बनेका हुन् । उनी टप टुमा पुगेर उपाधि जित्न पर्याप्त भोट नआएका कारण विजेता बन्न चुकेका छन् ।

फाइनल चरणमा भएको मतदानका आधारमा सामन्था डायज अमेरिकन आइडल घोषित भइन्। दिवेशलाई उपाधिको दाबेदारका रुपमा हेरिएको थियो । यद्यपि, अमेरिकन आइडलको फाइनलमा पुग्ने उनी पहिलो नेपाली बनेका छन् । काठमाडौंको रवीभवनमा जन्मिएका दिवेश २०१४ मा अमेरिका पुगेका थिए ।

जस्ट साम नामले परिचित उपाधि विजेता २१ वर्षीया सामन्था लाइबेरियन मूलकी अश्वेत गायिका हुन् । न्यूयोर्क निवासी सामले मिडल स्कूलदेखि नै न्यूयोर्कका सब–वे र ट्रेनहरुमा गाउने गर्थिन् । उनी सानो छँदा आमा जेल परेकाले उनलाई हजुरआमाले हुर्काएकी हुन् । सामलाई विजेता बनाउन लाइबेरियामा अभियान नै चलाइएको थियो ।

Related posts

दैनिक १५ वटा अन्तर्राष्ट्रिय र ७० आन्तरिक उडान मात्र गर्न सकिन्छः त्रिभुवन विमानस्थल

Nepnews

रोजर फेडेरर अष्ट्रेलियन ओपनको दोस्रो चरणमा

Nepnews

नवलपुरमा सवारी दुर्घटना हुँदा पाँच जनाको मृत्यू

Nepnews

अपांगता भएकालाई बाख्रा दियो नगरपालिकाले

Nepnews

चितवनमा ज्ञानेन्द्र शाहीमाथि कुटपिट

Nepnews

जनकपुरमा धुमधामसँग रामनवमी मनाइँदै

Nepnews