स्पेनका दुई डिभिजनका पाँच खेलाडीमा कोरोना भाइरस

स्पेनिस ला लिगा फूटबलको शीर्ष दुई डिभिजनको लीगमा पाँच खेलाडीमा कोरोना भाइरसको संक्रमण देखिएको छ ।

कोरोनाका कारण प्रभावित स्पेनिस लिगासहितका लीगमा यो सिजनका बाँकी खेल शुरु गर्ने तयारी भइरहेका बेला खेलाडीमा संक्रमण पुष्टि भएको हो । ला लिगाले पाँच खेलाडीमा संक्रमण देखिएको बताएपनि नाम भने सार्वजनिक गरेको छैन ।

संक्रमित सबैलाई आइसोलेशनमा राखिएको छ । संक्रमितको नियमित परीक्षण हुने र लगातार दुई परीक्षणमा रिपोर्ट नेगेटिभ आएपछि मात्रै प्रशिक्षणमा फर्किन पाउने जनाइएको छ । कोरोना भाइरसका कारण रोकिएको लीग शुरु गर्न सबै खेलाडीको परीक्षण हुँदा शीर्ष दुई लीगका पाँच खेलाडीमा मात्रै कोरोना संक्रमण देखिएको हो । स्पेनिस लीगका खेलाडी हाल व्यक्तिगत प्रशिक्षणमा फर्किएका छन् ।

आगामी जुन महिनामा बन्द रंगशालमा खेल खेलाउने तयारी भइरहेको छ । स्पेनमा कोरोना भाइरसका कारण २६ हजार ६ सय भन्दा बढीको मृत्यु भएको छ भने २ लाख ६४ हजार ६ सय भन्दा बढी संक्रमित छन् ।

Related posts

सरकारद्वारा पदक विजेता सम्मानित

Nepnews

ओजिलको मूल्यः १५ मिलियनको एक गोल

Nepnews

होबर्टमा बाढी-पहिरो पीडितको सहयोगार्थ मैत्रिपूर्ण फुटबल हुँदै

Nepnews

इन्टरमिलान डेब्यूमा लुकाकुको गोल

Nepnews

युथ फुटबल एण्ड लिडरसिप क्याम्पका लागि नेपाली टोली क्वालालम्पुर प्रस्तान

Nepnews

ला लिगामा बार्सिलोना शीर्ष स्थानमा, रियल मालोर्कासँग स्तब्ध

Nepnews