बलिउड अभिनेता ऋषि कपुरको निधन

भारतीय अभिनेता ऋषि कपुरको ६७ वर्षको उमेरमा निधन भएको छ ।

क्यान्सरबाट पीडित कपुरलाई मंगलबार स्वासप्रश्वासमा समस्या भएपछि मुम्बईको एचएन रिलायन्स फाउन्डेसन अस्पतालमा भर्ना गरिएको थियो ।

उपचारकै क्रममा उनको आज विहान निधन भएको उनका दाइ रणधीर कपुरलाई उदृत गर्दै अन्तर्राष्ट्रिय समाचार संस्था बीबीसीले जनाएको छ ।

अमेरिकामा करिब एक वर्षसम्म क्यान्सरको उपचार गराएपछि उनी गत वर्ष सेप्टेम्बर महिनामा भारत फर्किएका थिए । तर त्यसबीचमा पनि स्वास्थ्यमा समस्या भएपछि गएको फेब्रुअरी महिनामा पनि उनलाई दुई पटकसम्म अस्पताल भर्ना गर्नु परेको थियो । सन् १९७३ मा बालकलाकारको रुपमा चलचित्र करियर सुरु गरेका कपुरले कुनै समय भारतीय सिने जगतमा रोम्यान्टिक नायककारुपमा एकछत्र राज गरेका थिए । उनले अन्तिम पटक अभिनेता इमरान हस्मिसँग चलचित्रमा अभिनय गरेका थिए भने उनका केही चलचित्र भने रिलिज हुने क्रममै थिए ।

सन् १९७३ मा बबी नामक चलचित्रबाट मुख्य भूमिकामा डेब्यू गरेका ऋषि कपुरले तीन वर्षअघि मेरा नाम जोकरमा पनि बाल कलाकारका रुपमा अभिनय गरेका थिए ।

यो सँगै भारतीय चलचित्र उद्योगले दुई दिनमा दुई अब्बल कलाकारलाई गुमाएको छ । यसअघि बुधवार मात्र क्यान्सर रोगसँग लडिरहेका अभिनेता इरफान खानको निधन भएको थियो ।

Related posts

रिलिज नहुँदै ‘शत्रुगते’ले काठमाडौंका हल हाउसफूल

Nepnews

मिस वर्ल्ड मल्टिमिडियाको अवार्ड अनुष्का श्रेष्ठले जितिन्

Nepnews

डेनमार्कमा मान्छेभन्दा सुँगुरको संख्या दोब्बर

Nepnews

शाहरुख खानको टीभी श्रृंखलाप्रति पाकिस्तानी सेनाका प्रवक्ताको आपत्ति

Nepnews

निर्मल दाहालको ‘जब घाम ढल्छ’ सार्वजनिक

Nepnews

दक्षिण कोरियाली चलचित्र ‘प्यारासाइट’ले जित्यो ओस्कार

Nepnews