मलेसिया र खाडीमा ८९ नेपाली श्रमिकमा कोरोना संक्रमण, ६ जना निको भएर फर्किए

कोरोना भाइरसको कारण अहिले विश्वजगत नै त्रसित छ । दिन प्रतिदिन संक्रमित र मृत्यू हुनेको संख्या बढ्दै गएको छ । नेपालमा अहिलेसम्म ४२ जना संक्रमित भेटिएका छन् । जसमध्ये पाँच जना निको भएर फकिएका छन् ।

नेपालमा संक्रमितमध्ये धेरैजना भारतीय मुलका नागरिक छन् । नेपालबाट बैदेशिक रोजगारीमा लाखौं मानिसहरु गएका छन् । ती देशहरुमा पनि कोरोनाको डरलाग्दो संक्रमण छ ।

खाडी देश र मलेसियामा ८९ जना नेपालीमा संक्रमण देखिएको छ । जसमध्ये ६ जना निको भइसकेका छन् भने ८३ जना उपचाररत छन् ।

सबैभन्दा धेरै संक्रमण बहराइनमा देखिएको छ । त्यहाँ ४९ जना नेपाली संक्रमित छन् । बहराइनमा कुल १,९७३ जनामा संक्रमण देखिएकोमा सात सय ७४ जना निको भएर फर्किएका छन् । सात जना भने निको भएर फकिएका छन् ।

यस्तै कुवेतमा २४, युएईमा ११ जना, साउदी अरेवियामा ४ जना र मलेसियामा एक जना नेपाली श्रमिकलाई कोरोना भाइरसको संक्रमण देखिएको छ । मलेसियामा रहेका नेपाली निको भएर फर्किसकेका छन् भने साउदीमा तीन र युएईमा दुई जना स्वास्थ्य लाभ गरेर फकिएसकेका छन् । युएईमा भने एक नेपालीको मृत्यू भएको चार दिनपछि अस्पतालले कोरोना संक्रमण पुष्टि गरेको त्यहाँको राजदुतावासले जनाएको छ ।

खाडी देशमा सङ्क्रमण बढ्न थालेपछि अहिले त्यहाँको सरकारले पनि सुरक्षा सतर्कता बढाएको छ ।

विश्वका दुई सय १० देशका २५ लाख ५७ हजार १८१ जनामा सङ्क्रमण फैलिसकेको छ । एक लाख ७७ हजार ६४१ जनाको ज्यान गएको छ भने ६ लाख ९० हजार ४४४ जना निको भएका छन् ।

Related posts

ट्रम्पमाथिको महाअभियोगको प्रस्तावमा छलफल सुरु

Nepnews

निर्वाचन नजिकिँदै गर्दा अष्ट्रेलियाका सडक तात्दै, बुधबार एक लाख मजदुर सडकमा उत्रिने

Nepnews

दिल्लीबाट चिठ्ठा पर्‍यो भन्दै नेपालमा ठगी गर्ने तीन जना पक्राउ

Nepnews

दशैं टिकट बुकिङ असोज ५ गतेदेखि खुल्ला

Nepnews

बाढी-पहिरोबाट ६७ को मृत्यू, १५ हजार घरबारबिहीन

Nepnews

भारतमा रेलले विद्यायल बसलाई ठक्कर दिँदा सत्र बालबालिकाको मृत्यु

Nepnews